Eph 5 | Ndebele | STEP | Ngakho banini ngabalandeli bakaNkulunkulu , njengabantwana abathandekayo;

Ephesians 5

Ukuxwayisa ngemisebenzi yobumnyama; ukuhamba ekukhanyeni

1 Ngakho banini ngabalandeli bakaNkulunkulu ^a, njengabantwana abathandekayo; 2 njalo lihambe ethandweni ^b, njengalokhu uKristu laye wasithanda ^c, wazinikelela thina ^d abe ngumnikelo lomhlatshelo kuNkulunkulu ^e ukuba luqhatshi olumnandi ^f. 3 Kodwa ubufebe ^{g
,} ^h lakho konke ukungcola ⁱ kumbe umhawu ^j kakungaphathwa lakanye phakathi kwenu ^k, njengoba kufanele abangcwele; 4 lamanyala ^l, lokukhuluma okuyize, kumbe ukusoma okulenhlamba, okuyizinto ezingafanelanga ^m; kodwa kulalokhu, ukubonga. 5 Ngoba lokhu liyakwazi, ukuthi sonke isifebe ⁿ, kumbe ongcolileyo, kumbe olomhawu, ongumkhonzi wezithombe ^o, kalalifa ^p embusweni kaKristu lokaNkulunkulu. 6 Kakungabi lamuntu olikhohlisayo ngamazwi ayize ^q; ngoba ngenxa yalezizinto ^r ulaka lukaNkulunkulu ^s luyehlela phezu kwabantwana bokungalaleli ^t. 7 Ngakho lingabi ngabahlanganyeli labo ^u. 8 Ngoba lake laba ^v ngumnyama ^w, kodwa khathesi liyikukhanya eNkosini ^x; hambani ^y njengabantwana bokukhanya, ^z 9 ngoba isithelo sikaMoya ^aa sikubo bonke ubuhle lokulunga leqiniso ^ab, 10 lihlolisise ^ac okuthokozisayo eNkosini ^ad; 11 njalo lingahlanganyeli ^ae lemisebenzi yobumnyama engelazithelo ^{af
,} ^ag, kodwa-ke kulalokho solani ^ah; 12 ngoba kuthelela inhloni ^ai lokukhuluma ngezinto ezenziwa yibo ekusithekeni. 13 Kodwa konke okusolwayo yikukhanya kuyabonakaliswa; ngoba konke okubonakaliswayo ^aj kuyikukhanya, 14 ngakho uthi ^{▼▼ uthi: kumbe, kuthi.}: Phaphama wena oleleyo ^{al
,} ^am uvuke kwabafileyo, njalo uKristu uzakukhanyisela ^an.

15 Ngakho qaphelani ukuthi lihamba ^ao njani ngonanzelelo, kungabi njengezithutha, kodwa njengabahlakaniphileyo ^ap, 16 lihlenga ^aq isikhathi ^ar, ngoba insuku zimbi ^as. 17 Ngakho lingabi yizithutha ^at, kodwa liqedisisa okuyintando yeNkosi ^au. 18 Njalo lingadakwa liwayini ^av, okukulo umsindo, kodwa gcwaliswani nguMoya ^aw, 19 likhulumisana ^ax ngezihlabelelo ^ay langamahubo ^az okudumisa langezingoma zomoya ^ba, lihlabelele licule eNkosini enhliziyweni yenu ^bb, 20 limbonga njalo uNkulunkulu loBaba ngazo zonke izinto ^{bc
,} ^bd ebizweni leNkosi yethu uJesu Kristu ^be, 21 lizehlisela ngaphansi omunye komunye ekumesabeni uNkulunkulu ^bf.

Ukuphathana kwabathatheneyo

22 Bafazi ^bg, zehliseleni ngaphansi kwawenu amadoda ^bh, njengeNkosini ^bi, 23 ngoba indoda iyinhloko yomfazi ^bj, njengoba uKristu laye eyinhloko yebandla ^{bk
,} ^bl, njalo yena unguMsindisi womzimba ^bm. 24 Kodwa njengoba-ke ibandla lehliselwe ngaphansi kukaKristu, ngokunjalo labafazi kwawabo amadoda kuyo yonke into ^bn.

25 Madoda ^bo, thandani abenu abafazi, njengoKristu laye walithanda ibandla, wasezinikelela lona ^bp; 26 ukuze azingcwelisele ^bq lona, eselihlambulule ^br ngesihlambo samanzi ^bs ngelizwi ^bt, 27 ukuze azimisele lona, ibandla elilenkazimulo ^bu, elingelachatha ^bv, kumbe umxhele kumbe okunye nje, kodwa ukuze libe ngcwele lingelacala ^bw. 28 Ngokunjalo amadoda afanele ukuthanda abawo abafazi njengeyawo imizimba ^bx. Othanda owakhe umfazi, uyazithanda yena; 29 ngoba kakho owake wazonda eyakhe inyama, kodwa uyayondla ^by ayiphathe kuhle, njengalokhu leNkosi isenza kubandla; 30 ngoba siyizitho zomzimba wakhe ^bz, okwenyama yakhe lokwamathambo akhe. 31 Ngenxa yalokhu umuntu uzatshiya uyise lonina anamathele kumkakhe ^ca, njalo laba ababili bazakuba nyamanye ^cb. 32 Inkulu le imfihlo; kodwa mina ngikhuluma ^cc ngoKristu lebandla ^cd. 33 Ngalokho lonke ngokukhethekileyo lani-ke, ngulowo lalowo kathande ngokunjalo owakhe umfazi njengaye ^{ce
,} ^cf; lomfazi ukuze ahloniphe ^cg indoda.